Saša Popović do detalja je ispričao svoj život i karijeru u emisiji “Sceniranje”. Nekadašnji prvi čovjek “Granda” kaže da je zbog Zlate Petrović zabranio golotinju među pjevačicama, a otkrio je i koji pjevač se pred njim drogirao, kao i šta bi bilo kad bi objavio autobiografiju.
– To ne bi bilo dobro. Ja znam mnogo toga. Kad bih vam ispričao, dvije godine biste imali da pišete o tome, tako da je nikad neću objaviti, ovo što je nešto objavljeno je diskutabilno. Znate, ne bi bilo korektno prema mojoj porodici, a ni prema porodici onih žena s kojima sam bio. Narod najviše zanima to s kim je ko bio.
Kaže da nije protiv provokativnog oblačenja, ali jeste protiv golotinje.
– Uveo sam da nema golotinje u “Grandu”. Recimo, desilo se jedne godine, Zlata Petrović je skinula brus, pa grudi gole… Nemoj, to nije lijepo. Ja volim da vidim zgodnu ženu i agitujem na pjevačice da budu lijepe, zgodne, seksi, ali da to ima ukusa – kaže on.
Prema narkoticima ima jasan stav.
– Drogu, tj. kokain, samo sam jednom vidio u životu. Bilo je to 2000. godine, taman smo otvorili “Grand”. Imali smo klub, gdje smo igrali bilijar. Svako veče su dolazili pjevači: Mile Kitić, Rođa. Jašar, nas desetak i jedan od pjevača je stavio drogu na sto da povuče crtu. Jašar mi priđe i to kaže, ja rekoh: “Nemoj to da radiš da neko kaže da se to radi u ‘Grandu’!” Eto, tad sam prvi i posljednji put vidio drogu. Ne volim pijane ljude, drogu, pirsing na ženama. Zato sam se jednom posvađao s Tanjom Savić zbog pirsinga. Kad vidim žene istetovirane, ni to mi nije lijepo – kaže Popović.
On još uvijek razmišlja da li da ide pod nož.
– Isti sam kao i prije deset godina. Kaže meni jedna pjevačica, sad da ne otkrivam koja: “Vidi, Sale, ti bi mogao da operišeš nos, da ga smanjiš, da zategneš lice.” Kao mali sam imao puno bubuljica. I kaže da sredim podbradak, da se zategnem i ona bi se zaljubila u mene. Rekoh, ne treba ti da se zaljubiš u mene, ima ko je zaljubljen. Ne znam šta je žene privlačilo na meni, niti sam lijep, normalan sam. Vesna Zmijanac mi je rekla: “Vidi, ti ćeš za nekoliko godina biti pravo čičište.” Kao, nogice mi tanke i kaže samo šeširče da stavim. Rekoh – majku ti tvoju, ti si se ugojila, a ja se dobro držim. Ishrana je u pitanju. Čim vidim da mi stomak raste, samo bijela kafa, u podne šnicla sa salatom i odmah dođe u red, a volim slatko i sve bih pojeo – zaključuje on.
(Express/ Kurir)
