Dujmić je otkrio da komponuje i da mu je želja da radi duhovnu muziku.
-U kontrolisanom sam okruženju, ne mogu da dođem u iskušenje da nešto uzmem. Izaći ću tek kad budem siguran da sam toliko jak da mogu odbiti drogu i alkohol, izjavio je Dujmić. Dodao je kako imaju prostoriju za pušenje te da tamo razgovaraju koliko žele.
-Imam i klavir na kojem komponujem, mnogo vremena za razmišljanje o sebi. Nikad nije kasno raditi dobro, za novi početak, rekao je 65-godišnji kompozitor.
Privlači ga violina, koju je kao dječak svirao, nove orkestracije starih pjesama, muzika za djecu, a objaviće “Antologiju”, zapise njegovih saradnji s drugim muzičarima, prenosi cdm.
-Ovisnosti su me opsjedale cijeli život. Tek sad sam napokon upoznao pravoga sebe. I to kroz spoznaju Boga, u njegovoj punoj snazi. Osjećam da drži ruku na mom ramenu i vodi me, priznao je Dujmić.
