Četvrtfinalnu emisiju počeo je duel između Armina Jusufovića, kandidata Marije Šerifović i Katarine Jovanović, Jelenine takmičarke. Armin se predstavio pjesmama “Veruj u nas” od Adila i narodnom pjesmom “Đurđevdan”, dok je Katarina otpjevala numere “Lepi moj” Snežane Đurišić i “Žene vole dijamante” Jelene Karleuše. Žiri je i jednom i drugom kandidatu dao pet glasova, ali je u preglasavanju ipak pobijedila Katarina, koja se plasirala direktno u polufinale.
Svi u studiju su se oduševili kada su se Arminu u drugoj pjesmi na sceni pridružili ostali takmičari iz njegove grupe, prateći ga na instrumentima, a onda se pojavila Karleuša i ukrala šou nakon što je zaplesala.
