Pjevačica Jelena Karleuša, koja je predvodila gej paradu u Beogradu, kaže da njen suprug fudbaler Duško Tošić ne podržava to što se našla na čelu te kolone. Ona je postala kuma ovogodišnje manifestacije, priznaje da se igraču turskog Bešiktaša to nimalo nije dopalo.
– Moj suprug nikako ne podržava ovo što sam uradila. S druge strane, vjerujem da je ponosan što ima hrabru ženu koja se ne plaši da javno stane iza svojih uvjerenja – rekla je pjevačica i dodala:
– On je naučen tako. Svijest o ovakvim stvarima dolazi iz porodice. Ne možeš preko noći da promijeniš ono čime si cijelog života zadojen, a to je netolerancija i mržnja prema onima koji su drugačiji. Ali eto, ja sam tu da mjenjam takvu svijest – kazala je Jelena.
