Juče je počeo Kurban-bajram, a pobjednik pete sezone “Zadruge”, Dejan Dragojević, budući da je prije četiri godine primio islam, poštuje sve običaje.
Naime, Dragojević se ranom zorom uputio u džamiju kako bi ispoštovao ovaj praznik, kako se poslije oglasio i na društvenoj mreži Instagram, otkrio je kako protiče molitva, a fotografija koju je objavio nastala je u 5:30 časova.
Podsjetimo, Dejanu je brat David ove godine prvi put javno čestitao praznik, s obzirom na to da je Dejan do skoro od ljudi krio da je promijenio vjeru.
-Jako je specifična energija, ne mogu to da opišem. Pod je jako čist, toliko da možeš da jedeš. Grad ima posebno lijep i čudan miris. Posebno čudno se ja osjećam, ali kako ja to sada da objasnim. Ja sam već 4 godine u islamu, ovo mi je četvrti ramazan. Hvala Bogu, ovdje je, jer u Srbiji nema ništa sem u Novom Pazaru, a Novi Sad je prazan što se tiče džamija. Ovdje se čovjek osjeća mirno i sigurno, kao da ti je sav tuga, stres i sve izbačeno iz glave i tijela. Ovo ne može da se prepriča, ovo mora da se doživi – pričao je Dragojević nedavno, kada je posjetio Meku.
