Sergej Ćetković i njegova supruga Kristina, dobro je poznato, imaju dvije kćerke: Lolu i Milu. Nije tajna da su supružnici djevojčice usvojili neposredno nakon što su se rodile. Lola je u njihov dom stigla 2010, a dvije godine kasnije pridružila im se i četvoromjesečna Mila.
-Lola je bila predivna, mirna beba, samo se smijala. Njen dolazak pamtim kao jedan od najljepših trenutaka u životu. Nije bilo straha, odmah smo se uklopili kao da smo oduvijek bili zajedno. Mila je bila jako nemirna kao beba. I sada u šali kažem: da je Mila bila prva, ne bismo poželjeli drugo dijete”, prisjetila se Kristina prvih dana roditeljstva, prenosi Hello.
Sergej i njegova supruga od svojih nasljednica nikada nisu krili da su usvojene. Stalno su im govorili da su ih oni „rodili iz srca”.
-Njih dvije odavno znaju da su usvojene i to je ono najvažnije. Nema nikakvih zabranjenih tema ili laži u našem odnosu. Nikada nismo ni pomislili da im sakrijemo nešto. One sve znaju i ako budu željele da upoznaju svoje biološke roditelje, uradićemo sve što je u našoj moći da se to desi. To su normalne stvari, nemam nikakav strah od toga jer im niko ne može biti više majka i otac od nas dvoje, bez obzira na to što ih nismo rodili – jasan je Sergej, koji ima samo jednu poruku.
-Mi smo im bili suđeni, za nas su se rodile, kao što smo se i mi rodili da njima budemo roditelji. Bog je za nas imao takav plan i hvala mu na tome.
