Emina Jahović našla se u centru skandala u Turskoj pošto su turski mediji objavili da je pjevačica odbila da plati račun za dodatne usluge koje je koristila u jednom hotelu u turskom ljetovalištu Godžek, javila se PR služba koja je demantovala sve navode tamošnjih medija.
-To je čista glupost. To je čista tabloidna priča i svi znaju da je Emina sasvim suprotno od onoga što je napisano, prije svega je velikodušna i sve je izmišljeno- rekli su nam iz PR službe Emine Jahović.
Sama pjevačica se nije oglašavala povodom cele priče ni turskim medijima, a ni na društvenim mrežama, gde je veoma aktivna.
Naime, kako su prenijeli turski mediji, jedan zaposleni u luksuznom odmaralištu u kojem je Emina odsjela naveo je za turske medije da pjevačica još nije izmirila svoja dugovanja prema hotelu, u kojem godinama ljetuje sa svojom porodicom.
– Emina kao i svake godine odmara sa svojom porodicom iz Srbije u jednom popularnom ljetovalištu u Godžeku. Ovoga puta, Emina je na odmor stigla krajem ljeta, tu su boravili nekoliko dana, uživali su u moru i suncu i svemu što ljetni odmor, ali i hotel pruža. Međutim, ove godine situacija nije bila kao i svih prethodnih jer je Emina na kraju odmora sve zaposlene u hotelu stavila u komplikovanu situaciju – naveo je za turske medije izvor iz hotela.
– Jeli su, pili, a ništa nisu platili. Nisu čak ni bakšiš ostavljali radnicima hotela. Osoblje hotela jurilo je Eminu kako bi naplatilo račun i imali smo mnogo problema sa tim – rekao je jedan od zaposlenih u hotelu.
