Sresti bivšu djevojku, vjerenicu ili suprugu obično nije prijatno, ali sresti više njih na istom mjestu u isto vrijeme, e to je već peh. Upravo to se dogodilo holivudskom glumcu Bredu Pitu na dodjeli 77. Zlatnog globusa.
– Ma “naletjećemo” jedno na drugo. Mi smo dobri prijatelji – odgovorio je glumac na pitanja o susretu s Dženifer Aniston, od koje se razveo 2005. jer mu je tada srce osvojila Anđelina Džoli.
Kamo sreće da je Bred sreo samo Dženifer. Na događaju se pojavila i njegova bivša vjerenica Gvinet Paltrou, s kojom je glumac počeo da se viđa 1995., nakon što su se upoznali na snimanju filma “Sedam”. Raskinuli su 1997., poslije nepune dvije godine veze.
Ali ni tu nije kraj. Na dodjelu 77. Zlatnog globusa došla je Kristina Aplgejt, omiljena Keli iz kultne serije “Bračne vode”. Ona je bila Bredova djevojka 1989., kada ga je vodila kao kao svoj “+1” na dodjelu MTV nagrada.
Osim toga, prije dvije godine šuškalo se kako Pit ljubi glumicu Sijenu Miler, ali oboje su negirali bilo kakve odnose. Ipak, i ona je ušetala na dodjelu globusa i tako postala četvrta u nizu koju povezuju s holivudskim zavodnikom.
Kao da to nije dovoljno, događaju je prisustvovala Šarliz Teron koju su početkom ove godine povezivali s Bredom, ali izvor blizak glumcima rekao je da su oni samo prijatelji.
Kako je Pit preživio peterostruki šok, za sada nije poznato.
Express/24sata.hr/Foto: Tanjug/AP
