Pjevačica Katarina Grujić emotivno je ispunjena jer je u vezi sa Podgoričaninom Kostom Obradovićem čiji je identitet tek nedavno otkrila. Zvijezda ističe da mimo par fotografija, Kostu neće eksponirati, a za njega kaže da je tretira kao kraljicu.
–Ne eksponiram dečka, koliko sam naših fotografija okačila na društvene mreže? Jednu? Dvije? Neću previše otkrivati, mislim da je za sada toliko dovoljno. Ali da ti kažem, dobila sam 13 poklona od njega za Novu godinu, sve je savršeno. Ljude ipak ne bi trebalo da zanima ko je on, trebalo bi da ih zanimam ja i moja karijera. Stani malo, imam 25 godina, neću da se udam, izričita je Katarina.
Sa druge strane, dugo se borila sa gubitkom glasa, zbog čega je veoma patila.
–Mjesec dana sam prehlađena i vučem to. Pila sam 15 dana antibiotike i ništa mi nije pomoglo. Razboljela sam se jer sam u jednom gradu gdje je 15 stepeni, a onda odem na minus pet, ali, bože moj, nadam se da će sve uskoro riješiti, kaže vlasnica hita “Paranoičan”.
