Gogu Sekulić napao je nepoznati muškarac, i to u klubu kod Ćazima Feliksa Osmanija u Poreču, gdje je pjevačica prošle subote imala nastup.
Do incidenta je došlo pred njen izlazak na binu. S njom tom prilikom nije bio njen suprug Uroš Domanović.
To je iskoristio muškarac koga Goga ne poznaje, progurao se kroz masu, prišao Sekulićevoj da se upoznaju i pozvao je da mu se nakon nastupa pridruži u separeu.
– Drago mi je što smo se upoznali, ali došla sam da radim, a ne da se za*ebavam – rekla mu je Goga i krenula ka bini.
Nakon tih riječi dečko ju je grubo uhvatio za ruku, povukao je ka sebi i pokušao da je poljubi. Sekulićeva je probala da se oslobodi, a mladić ju je još jače stegao.
Prema riječima izvora koji se tom prilikom zadesio na licu mjesta, čim je video da je pjevačica koju je angažovao u opasnosti, Ćazim je pritrčao da je zaštiti od nasilnika.
– Feliks se za tili čas stvorio ispred bine. Navalentnom muškarcu je objasnio da je Goga udata žena i zamolio ga da se prema njoj ponaša kao prema dami. Taj dečko je malo više popio i nije znao da se ponaša. Kasnije sam saznao da je on godinama zaljubljen u nju i da je zbog njenog nastupa došao iz Slovenije – tvrdi izvor.
