Milica Pavlović rješila je da iznenadi publiku novom pjesmom i spotom za Dan zaljubljenih. Popularna pjevačica otišla je korak dalje nakon više od godinu dana od izlaska albuma. Iako nije htjela da otkrije kako se pjesma zove, otkrila je neke detalje.
– Čim sam čula prve taktove pjesme, znala sam da je to ono što sam čekala. Moram priznati da me skoro neka pjesma nije toliko zaintrigirala, probudila u meni neku čudnu emociju i navela me da pomislim: „Hej, pa bilo bi kul ljubiti se uz ovo!“. Moraćete da sačekate da spot izađe i da vidite s kim sam se to mazila. Spot će prikazati moju emotivnu stranu. Moja publika će vidjeti Milicu kakvu dosad nije imala prilike. Priznajem da video obiluje mnoštvom seksi scena, ali pjesma je zaista takva da nosi sa sobom neku čudnu, suptilnu erotiku. Uostalom, vidjećete o čemu pričam kad budete čuli i pogledali spot – rekla je Milica.
