Pjevačica Jasna Milenković, poznatija kao Jami, koja se devedesetih proslavila svojim hitovima “Čokolada”, i “Šibica”, nedavno je opet došla u žižu javnosti, kada je izbacila hit “Milf”, sa Gastozom.
Ovaj spot za manje od tri mjeseca izbrojao je preko 2, 5 miliona pregleda, a Jami je zahvaljujući ovoj pjesmi bukvalno postala preko noći hit, kako među novim generacijama, tako i među onima koji su je nekada voljeli i slušali.
Kako se uspjeh međutim ne prašta, Jami je poslije ovog fantastičnog comeback – a, dočekana na nož kod kolega. Jedini koji su joj čestitali na novom hitu, kako kaže bili su Aca Lukas, Jadranka Barjaktarević, i još samo nekoliko njih, dok su svi ostali bili, ili bez ikavog komentara, ili su je poput Dare Bubamare isprozivali.
Prvi put kad je bila upitana za novi hit Jami, Dara nije imala reakciju, ali već drugi put je rekla:
– Ne znam, nisam čula stvarno. Ja ne znam stvarno, ne pratim generalno. Ja sam ta mlađa generacija koja ubija, to je generacija M.I.L.F. – izjavila je Dara nedavno za medije.
Sada su novinari pitali Jami, kako komentariše ovakvu Darinu reakciju na njenu pjesmu, a Jami je iznenadila potpuno neočekivanim odgovorom:
– Nas dvije se znamo što je najgore, i kad god se vidimo, nema sujete, naprotiv, kad god se sretnemo toliko se lijepo ispozdravljamo kao da se družimo non stop. Zato sam bila malo zatečena njenom prozivkom, ali nema veze. Ja Daru volim, ona je slatkica za mene. Znaš kako kažu: “možda ćeš jednom porasti”! – kroz iskren smijeh je rekla Jami, i time na najbolji mogući način vratila Daru na svoje mjesto.
